Wasanii Watakaotumbuiza Kwenye Tanzania Music Awards 2024: Wasanii Wanaopamba Jukwaa na Kura za Mwisho Kufungwa Leo
Sherehe kubwa ya utoaji wa tuzo za muziki wa Tanzania (Tanzania Music Awards 2024) inakaribia, ikitarajiwa kufanyika Jumamosi, Oktoba 19, 2024, katika Super Dome, Masaki, jijini Dar es Salaam. Hafla hii itaanza mapema saa nane mchana, ambapo wasanii maarufu wa kike Nandy, Zuchu, Salha, Abigail Chams, na Yammi ni miongoni mwa watakaotoa burudani ya kipekee kwenye jukwaa hilo la TMA Awards.
Kama sehemu ya maandalizi, leo Oktoba 16, 2024, ni siku ya mwisho ya kupiga kura. Mashabiki wanahimizwa kuwapigia kura wasanii wao pendwa wanaowania tuzo kupitia tovuti rasmi ya TMA Awards, https://tanzaniamusicawards.com, kabla ya dirisha la upigaji kura kufungwa.
Mashabiki wa muziki wanaosubiri kwa hamu kuona nani ataibuka mshindi kwenye vipengele mbalimbali watapata fursa ya kushuhudia sherehe hiyo ya kifahari yenye kusisimua.
Wasanii Watakaotumbuiza Kwenye Tanzania Music Awards 2024
Wasanii Ali Kiba, Young Lunya, Mzee Yusuf, Dulla Makabila na Christian Bella wanatarajiwa kuungana na Wasanii wengine wengi katika orodha ya Wasanii watakaoshusha burudani siku ya utolewaji wa tuzo za Muziki wa Tanzania (TMA Music Awards 2024) zitakazofanyika Super Dome, Masaki Jijini Dar Es Salaam.
Tukio hilo linalotarajiwa kufanyika Jumamosi, Oktoba 19, 2024 kwanzia saa nane mchana ambapo Mashabiki wa Muziki wa Bongo Flava, Taarab, Singeli, Bongo Hip Hop na Dansi wataungana pamoja kupata ladha tofauti tofauti za Muziki kutoka kwa Wasanii wanaowakilisha makundi mbalimbali ya Muziki Nchini Tanzania.
Pendekezo la Mhariri: