Pamba Jiji Yathibitisha Uteuzi wa Felix Minziro Kama Kocha Mkuu: Klabu ya Pamba Jiji FC imetangaza rasmi kumteua Fred Felix ‘Minziro’ kuwa kocha mkuu mpya wa timu hiyo, akichukua nafasi ya Goran Kopunovic, aliyefutwa kazi mnamo Oktoba 16, 2024. Taarifa hiyo imetolewa leo, Oktoba 17, 2024, na Kaimu Mkurugenzi Mtendaji wa klabu hiyo, Ezekiel Ntibikeha.
Minziro atashirikiana na kocha msaidizi Mathias Wandiba, wakilenga kuiboresha timu na kuifanya iwe na ushindani zaidi kwenye Ligi Kuu ya Tanzania Bara. Uongozi wa klabu hiyo umewatakia mafanikio katika majukumu yao mapya, huku mashabiki wa Pamba Jiji wakipata matumaini makubwa ya kuona timu yao ikipata matokeo bora msimu huu.
Pamba Jiji Yathibitisha Uteuzi wa Felix Minziro Kama Kocha Mkuu
Mabadiliko haya yanalenga kuimarisha safu ya benchi la ufundi, huku uongozi ukitarajia mabadiliko chanya chini ya uongozi wa Minziro, ambaye ana uzoefu wa muda mrefu kwenye soka la Tanzania.
Kocha Fred Felix ‘Minziro’ ameanza kazi katika majukumu yake mapya ya kukinoa kikosi cha Pamba Jiji ikiwa ni saa chache baada ya kutangazwa kuwa ndiye mrithi wa Mserbia Goran Kopunovic.
Kocha huyo ameonekana katika viwanja vya mazoezi akiwa na Afisa Habari wa Pamba Jiji Moses William. Ni saa chache zimepita tangu Pamba Jiji itanagaze kuachana na aliyekuwa kocha wao Goran Kopunovic ambaye walianza nae msimu.
Pendekezo la Mhariri: