Coastal Union Rasmi Kuhamia Uwanja wa Sheikh Amri Abeid: Klabu ya Coastal Union imetangaza rasmi kuhamia Uwanja wa Sheikh Amri Abeid, uliopo Jijini Arusha, kama uwanja wao wa nyumbani kufuatia ukarabati unaoendelea kwenye Uwanja wa Mkwakwani, Jijini Tanga.
Uamuzi huu umechukuliwa ili kubakiza timu katika kanda ya kaskazini, jambo lililopendekezwa na wanachama wa klabu hiyo. Uwanja wa Sheikh Amri Abeid unafahamika kuwa ni mahali ambapo timu hiyo ina uhakika wa kufanya vizuri na kujipatia alama tatu muhimu.
Hapo awali, Coastal Union walikuwa wakitumia Uwanja wa KMC Complex, Mwenge, Jijini Dar es Salaam kama uwanja wao wa nyumbani, lakini walipata ushindi katika mechi moja tu kati ya tatu walizocheza hapo. Hivyo, kuhamia Arusha kunawapa matumaini mapya ya kufanya vizuri zaidi katika msimu wa ligi.
Uwanja wa Sheikh Amri Abeid unajulikana kuwa na mazingira mazuri kwa Coastal Union, na mashabiki wao wa kaskazini wanatarajia kuona matokeo bora zaidi katika mechi zijazo.
Pendekezo la Mhariri: