Droo ya Ligi ya Mabingwa wa Wanawake CAF 2024: Kufanyika Oktoba 18. Shirikisho la Mpira wa Miguu Afrika (CAF) limetangaza kuwa droo rasmi ya mchujo wa mwisho wa Ligi ya Mabingwa wa Wanawake ya CAF kwa mwaka 2024 itafanyika Ijumaa, tarehe 18 Oktoba 2024, katika Uwanja wa Complex Mohamed VI uliopo Salé, Morocco.
Hafla hiyo itaanza saa 12:00 alasiri kwa saa za Morocco (11:00 GMT) na itarushwa moja kwa moja kwenye majukwaa ya kidijitali ya CAF na mitandao ya washirika kama CAF YouTube.
Droo ya Ligi ya Mabingwa wa Wanawake CAF 2024
Mashindano hayo ya fainali yanatarajiwa kuanza tarehe 09 Novemba 2024 hadi 23 Novemba 2024, yakishirikisha timu nane bora kutoka mataifa mbalimbali. Timu zilizofuzu tayari ni pamoja na:
- Aigles de la Medina (Senegal)
- EDO Queens (Nigeria)
- Chuo Kikuu cha Western Cape (Afrika Kusini)
- Tutankhamun (Misri)
- CBE FC (Ethiopia)
Hizi zitaungana na mabingwa mara mbili Mamelodi Sundowns (Afrika Kusini), mabingwa wa mwaka 2022 na wenyeji ASFAR (Morocco), pamoja na TP Mazembe (DR Congo) ambao wanarejea baada ya kukosa mashindano ya mwisho yaliyofanyika nchini Cote d’Ivoire.
Makundi ya Klabu Bingwa Africa 2024/2025 (Caf Champions League Groups)
Pendekezo la Mhariri:
- Ratiba ya Kundi A Michezo ya Beach Soccer AFCON 2024
- Orodha Wanaowania Tuzo ya Golden Foot 2024, Messi Akiwemo
- Pamba Jiji Yathibitisha Uteuzi wa Felix Minziro Kama Kocha Mkuu
- Timu 10 Zenye Thamani Zaidi Duniani 2024
Droo hiyo itaongozwa na mchezaji wa zamani wa ASFAR na Timu ya Taifa ya Wanawake ya Morocco U-23, Fatiha Laasiri, ambaye kwa sasa anaheshimika kama gwiji katika soka la wanawake nchini Morocco. Laasiri anasifika kwa mchango wake mkubwa katika kuendeleza mchezo huo, akiwahamasisha wanasoka wa kike chipukizi barani Afrika.
Tukio hili linaongeza msisimko kuelekea fainali za michuano hiyo ya kihistoria inayozidi kukua na kupata umaarufu zaidi barani Afrika.