Juma Mwambusi Arejea Coastal Union Kocha Mkuu: Apewa Majukumu ya Kuiongoza Klabu Kwa Malengo ya Juu. Klabu ya Coastal Union imefanya uamuzi mkubwa kwa kumtangaza Juma Mwambusi kuwa kocha mkuu mpya wa timu hiyo, akichukua nafasi ya David Ouma ambaye aliondolewa baada ya klabu kuona haja ya mabadiliko.
Juma Mwambusi Arejea Coastal Union Kocha Mkuu
Hatua hii imepokelewa kwa hisia kali, ambapo uongozi wa Coastal Union, maarufu kama Wagosi wa Kaya, una imani kubwa na uwezo wa kocha Mwambusi.
Sababu za Uteuzi wa Mwambusi
Juma Mwambusi ni jina kubwa na lenye heshima kwenye soka la Tanzania. Anafahamika kwa weledi wake katika ufundishaji, nidhamu na mbinu za kimkakati. Coastal Union wameeleza wazi kwamba uteuzi wake unalenga kuboresha matokeo ya timu na kufikia malengo makubwa ya kumaliza katika nafasi nne za juu kwenye Ligi Kuu Tanzania Bara msimu huu.
Taarifa rasmi ya klabu ilisifu ubora na uwezo wa Mwambusi, huku ikisema:
“Ubora, weledi, mipango, mikakati na uwezo wako kila Mtanzania anaujua. Sasa malengo yetu ya kumaliza moja kati ya nafasi nne za juu yanakwenda kutimia 100%.”
Malengo ya Klabu
Kwa kumteua Mwambusi, Coastal Union imeweka wazi kwamba inalenga ushindani wa hali ya juu msimu huu, hasa kwa kutaka kumaliza kwenye nafasi za juu za msimamo wa ligi. Mwambusi anapewa majukumu ya kuhakikisha timu inapambana kupata ushindi katika kila mechi na kuleta ushindani wa hali ya juu kwenye ligi.
Uongozi wa Wagosi wa Kaya unaamini kuwa chini ya uongozi wa Mwambusi, timu itaweza kurejesha heshima yake na kushindana na timu kubwa nchini/Juma Mwambusi Arejea Tena Coastal Union.
Pendekezo La Mhariri: